काठमाडौँ । बढ्दो चिसोले बालबालिकाको दैनिकी र शिक्षामा नकारात्मक असर नपरोस् भन्ने सामाजिक दायित्वको भावनासहित काठमाडौं युरो स्कूलले यस वर्ष पनि न्यानो कपडा वितरण कार्यक्रमलाई निरन्तरता दिएको छ।
काठमाडौं युरो स्कूल परिवारको आयोजनामा सम्पन्न यस मानवीय अभियानअन्तर्गत नुवाकोट जिल्लाको दुप्चेश्वर काउलेश्वरी माध्यमिक विद्यालय, नुवाकोटकै सुर्यगढीस्थित कालिका माध्यमिक विद्यालय तथा लमजुङ जिल्लाको पाणिनी माध्यमिक विद्यालयका करिब ७०० जना विद्यार्थीहरूलाई न्यानो कपडा वितरण गरिएको हो।
कार्यक्रमका क्रममा केवल कपडा मात्र नभई माया, आत्मीयता र आशाको सन्देश पनि बाँडिएको अनुभूति गरिएको थियो। विद्यालयका अध्यक्ष श्री प्रमोद पाण्डेले चिसो मौसममा बालबालिकालाई न्यानो कपडा प्रदान गर्दै, “यो न्यानोपन केवल आजका लागि मात्र होइन, भोलिका दिनमा पनि आत्मविश्वास र सकारात्मक सोचका साथ अघि बढ्न प्रेरणा बनोस्,” भन्ने सन्देश व्यक्त गर्नुभयो।
अध्यक्ष पाण्डेले न्यानो कपडा प्राप्त गर्ने प्रत्येक विद्यार्थीलाई पढाइमा निरन्तरता, सजगता, मेहनत र असल नागरिक बन्ने संकल्प स्मरण गराउँदै, “आज पाएको सानो सहयोगले भोलि ठूलो सपना देख्ने हिम्मत दिलाओस्,” भन्ने भावनात्मक अभिव्यक्ति समेत राख्नुभयो।
यस कार्यक्रमको अर्को महत्वपूर्ण पक्ष काठमाडौं युरो स्कूलका अभिभावक, विद्यार्थी, बाल क्लब तथा शिक्षक–कर्मचारीहरूको सक्रिय सहभागिता हो। अभिभावकहरूको विश्वास र सहयोग, विद्यार्थीहरूको सेवा भावना, बाल क्लबका सदस्यहरूको उत्साह र नेतृत्व क्षमताले यस कार्यक्रमलाई विद्यालय–समुदाय सहकार्यको उत्कृष्ट उदाहरण बनाएको विद्यालयले जनाएको छ।
कार्यक्रममा सहभागी बालबालिकाहरूको अनुहारमा देखिएको मुस्कान र खुसीले शिक्षा केवल कक्षाकोठामा सीमित नभई सहानुभूति र मानवताको पाठ पनि सिकाउनुपर्ने सन्देश स्पष्ट रूपमा दिएको छ।
विद्यालय प्रशासनका अनुसार यस्ता कार्यक्रमहरूले विद्यार्थीहरूमा करुणा, सहकार्य, सामाजिक उत्तरदायित्व तथा नेतृत्व क्षमताको विकासमा महत्वपूर्ण भूमिका खेल्दछन्। काठमाडौं युरो स्कूलले आगामी दिनमा पनि शिक्षासँगसँगै समाजसेवामूलक कार्यक्रमहरूलाई अझ प्रभावकारी रूपमा अघि बढाउने प्रतिबद्धता व्यक्त गरेको छ।
कार्यक्रम सफल बनाउन प्रत्यक्ष वा अप्रत्यक्ष रूपमा योगदान पुर्याउनु हुने सम्पूर्ण अभिभावक, विद्यार्थी, बाल क्लब, शिक्षक–कर्मचारी तथा सहयोगी मनहरूप्रति काठमाडौं युरो स्कूल परिवारले हार्दिक धन्यवाद व्यक्त गरेको छ।
न्यानो कपडासँगै न्यानो भावना बाँड्ने काठमाडौं युरो स्कूलको यस पहलले
“शिक्षा + सेवा = उज्यालो भविष्य” भन्ने सन्देश समाजमा फैलाएको छ।