काठमाडौं । टोखा नगरपालिकाले आफ्नो नगरभित्र रहेका अबैध संरचना भत्काउन सुरु गरेको छ । सो अन्तर्गत सामाखुसि चोकमा बन्दै गरेको नयाँ भवनले नक्सा विपरित फुटपाथ मिचेर बनाएको कम्पाउण्ड वाल भत्काएको हो ।
सामाखुसि टोखा छहरे सडक खण्डमा बनेका नयाँ संरचनालाई फुटपाथ मिच्न नदिने र मिचेर निर्माण भइससकेका संरचनालाई मुआब्जा दिएर हटाउने सर्वोच्चको आदेश बमोजिम भत्काएको मेयर प्रकाश अधिकारीले बताउनुभयो ।
सार्वजनिक सम्पतिको संरक्षण गर्ने काम स्थानिय निकायको भएको र बाँकि रहेका सार्वजनिक स्थलको पहिचान गरि संरक्षण गर्ने कुरामा आफुले जोड दिइरहेको मेयर अधिकारीको भनाइ छ ।
यस्तै नगरपालिकाले बानियाँटारमा सार्वजनिक जग्गा अतिक्रमण गरि बनाएको अस्थाइ संरचना पनि हटाउन लगाएको छ । नगर प्रमुख, नगरप्रहरि कर्मचारि सहितको टोलिले उक्त स्थानमा पुगेर संरचना हटाउन लगाएको हो ।
