काठमाडौँ । मुलुकभर पछिल्लो २४ घण्टामा १ हजार ६ सय ३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार ८ हजार १ सय ३२ जनाको आरटी पीसीआर र एन्टिजेन विधिबाट कोरोना परीक्षण गर्दा १ हजार ६ सय ३ जनामा कोरोना पुष्टि भएको हो ।
मन्त्रालयका अनुसार ४ हजार ८ सय ७६ जनाको आरटी पीसीआर विधिबाट परीक्षण गर्दा १ हजार ४२ जनामा कोरोना पुष्टि भएको छ, भने ३ हजार २ सय ५६ जनाको एन्टिजेन विधिबाट परीक्षण गर्दा ५ सय ६१ जनामा कोरोना पुष्टि भएको छ ।
त्यस्तै मन्त्रालयका अनुसार पछिल्लो २४ घण्टामा २ हजार ५ सय ५२ जना संक्रमितहरु कोरोना संक्रमणमुक्त भएका छन्, भने थप २७ जना संक्रमितको मृत्यु भएको छ ।
स्वास्थ्य मन्त्रालयले परीक्षण सरकारी ल्याबहरुमा निःशुल्क भएपनि परीक्षण घटेको जनाएको छ । मन्त्रालयले लक्षण देखिएकाहरुलाई परीक्षण गराउन पनि अनुरोध गरेको छ ।