23.1 C
Kathmandu
Monday, June 17, 2024
spot_img

बारपाक–लाप्राक सडकखण्डको काम समयमै नसकिँदा स्थानीयलाई सास्ती

[the_ad id="4647"] [the_ad id="4648"] [the_ad id="4649"]

गोरखा । ठेक्का लागेको बारपाक–लाप्राक सडकखण्डको काम समयमै नसकिँदा स्थानीयले सास्ती व्यहोर्न बाध्य छन् । बारपाकदेखि गुप्सीपाखास्थित लाप्राक नयाँ बस्तीसम्मको १३।१४ किलोमिटर सडक स्तरोन्नतिका लागि २०७७ जेठ ९ मा ठेक्का लागेको थियो ।

गत जेठ २२ भित्र निर्माण सक्ने गरी ठेक्का लागेको सडकको हालसम्म ४८ प्रतिशत भौतिक र ४२ प्रतिशत वित्तीय प्रगति छ । समयमै ठेकेदारले काम सम्पन्न नगरेपछि आगामी जेठसम्म म्याद थप भएको छ । ठेक्का लागेको सडकमा स्तरोन्नतिले गति नलिएपछि वडा कार्यालय र स्थानीयले पटकपटक सरोकारवाला निकायलाई खबरदारी गरेका छन् ।

सडक स्तरोन्नति नहुँदा आगामी बर्खाको बेला पनि आउजाउमा सकस थपिने धार्चे गाउँपालिका–४ का अध्यक्ष किसान गुरुङ बताउनुहुन्छ । ठेकेदार कम्पनीलाई कामदार थप गरी निर्माणलाई गति दिन आग्रह गरिएको उहाँले बताउनुभयो । सडक नबन्दा यात्रुवाहक बससमेत सञ्चालन हुन नसकेको उहाँको भनाइ छ । अहिले बारपाकबाट लाप्राकसम्म जिप, ट्र्याक्टर र ट्रक भने आउजाउ गरिरहेका छन् । सडककै कारण बर्खामा कुनै पनि सवारी सञ्चालन हुन नसक्दा स्थानीयले बर्सेनि सास्ती भोग्नुपरेको छ ।

३४ करोड १५ लाखको लागतमा ग्राभेलसहितका सडक निर्माण गर्ने गरी शर्मा विकाई जेभीले जिम्मा पाएको छ । हालसम्म चार किमि नाला, आठ हजार पाँच सय घनमिटर ग्याबिन भर्ने काम सम्पन्न भएको छ । सात सय मिटर ढलानको काम पनि सम्पन्न भएको छ । सम्झौताको सुरुको चरणमा सडक निर्माणले गति लिएपनि पछिल्लो समय ठेकेदार कम्पनीको ढिलासुस्तीले कामले गति नलिएको पूर्वाधार विकास कार्यालयका इन्जिनियर दीपक बस्नेतको भनाइ छ ।

बारपाक–लाप्राक–गुम्दा हुँदै धार्चे गाउँपालिकाको केन्द्र माछाखोलासम्म सडकको ट्र्याक खुले पनि स्तरोन्नति नहुँदा स्थानीयले बर्सेनि सास्ती भोग्दै आएका छन् । बारपाकबाट माछाखोलासम्मको सडक बने स्थानीयलाई आउजाउसँगै दैनिक उपभोग्य सामग्री ढुवानीमा सहज बन्नेछ ।

[the_ad id="4652"] [the_ad id="4657"] [the_ad id="4660"]

प्रतिक्रिया

LEAVE A REPLY

Please enter your comment!
Please enter your name here

[the_ad id="3905"] [the_ad id="3907"] [the_ad id="3908"] [the_ad id="3909"] [the_ad id="3910"] [the_ad id="3911"]

हेडलाइन्स