23.1 C
Kathmandu
Monday, June 17, 2024
spot_img

सिन्धुलीको हरिहरपुरगढी गाउँपालिकाद्धारा भूमिहीनलाई लालपुर्जा वितरण

[the_ad id="4647"] [the_ad id="4648"] [the_ad id="4649"]

सिन्धुली । सिन्धुलीको हरिहरपुरगढी गाउँपालिकाका भूमिहीन दलित, भूमिहीन सुकुम्बासीहरूलाई जग्गाधनी प्रमाण पूर्जा वितरण गरिएको छ । राष्ट्रिय भूमि आयोग जिल्ला समिति सिन्धुलीले हरिहरपुरगढी गाउँपालिका वडा नम्बर ३ का १७ जना भूमिहीन दलित, भूमिहीन सुकुम्बासीहरूलाई जग्गाधनी प्रमाण पूर्जा वितरण गरेको हो ।

सोमवार आयोजना गरिएको एक कार्यक्रमका बिच प्रतिनिधिसभा सदस्य लेखनाथ दाहाल (राजन)ले भूमिहीन दलित, भूमिहीन सुकुम्बासीहरूलाई जग्गाधनी प्रमाण पूर्जा वितरण गर्नुभएको छ ।

दैनिक ज्याला मजदुरी गरेर जिन्दगी गुजार्दै आएका हरिहरपुरगढी गाउँपालिका ३ कै बिर बहादुर दमाईको पनि यस अघि सम्म एक टुक्रा जमिनको पनि लालपुर्जा थिएन । तर आयोगले उनले भोगचलन गर्दै आएको जमिनको लालपुर्जा दिलाएपछि सुखीले दङ्ग छन् । उहाँहरु मात्रै होईन आफ्नो नाममा लालपुर्जा पाएपछि भूमिहीन दलित, भूमिहीन सुकुम्बासीहरूमा खुसीयाली छाएको छ । लालपुर्जा वितरण गर्दै प्रतिनिधिसभा सदस्य दाहालले यस अघि बनेका कुनै पनि आयोगहरुले काम गर्न नसकेको तर यस पटकको आयोगले देशभरमै पहिलो पटक सिन्धुलीबाट लालपुर्जा वितरणको कार्य सुरु गरेर इतिहास रचेको बताउनुभयो ।

हरिहरपुरगढी गाउँपालिकाका अध्यक्ष बज्रध्वज वाईबाले निक्कै सर्घष गरेर भूमिहीन दलित, भूमिहीन सुकुम्बासीहरूलाई जग्गाधनी प्रमाण पूर्जा वितरण गर्न सफल भएको बताउनुभयो । राष्ट्रिय भूमि आयोग जिल्ला समिति सिन्धुलीका सदस्य सचिव सरोज बहादुर श्रेष्ठले सिन्धुली जिल्लामा हाल सम्म दुधौली नगरपालिकाका १ सय २ जना र हरिहपुरगढीका १७ जना गरी जम्मा ११९ जनालाई लालपुर्जा वितरण गरिएको बताउनुभयो । उहाँका अनुसार सिन्धुलीको नौ वटा स्थानिय तहमा ८ सय ८६ जना भूमिहीन दलित, १ हजार ६ सय ३१ जना भूमिहीन सुकुम्बासी र ३१ हजार ९ सय ९६ जना अव्यवस्थित बसोबासीहरूको निवेदन प्राप्त भएको छ ।

[the_ad id="4652"] [the_ad id="4657"] [the_ad id="4660"]

प्रतिक्रिया

LEAVE A REPLY

Please enter your comment!
Please enter your name here

[the_ad id="3905"] [the_ad id="3907"] [the_ad id="3908"] [the_ad id="3909"] [the_ad id="3910"] [the_ad id="3911"]

हेडलाइन्स