काठमाडौं । मुलुकभर पछिल्लो २४ घण्टामा २ हजार ९०५ जनामा कोरोना संक्रमण पुष्टि भएको छ ।
स्वास्थ्य मन्त्रालयका अनुसार पछिल्लो २४ घण्टामा १३ हजार २४ जनाको आरटी–पीसीआर र एन्टिजेन परीक्षण गर्दा २ हजार ९०५ जनामा कोरोना संक्रमण पुष्टि भएको हो ।
मन्त्रालयका अनुसार ८ हजार १०८ जनाको आरटी पीसीआर विधिबाट परीक्षण गर्दा २ हजार १० जना र ४ हजार ९१६ जनाको एन्टिजेन विधिबाट परीक्षण गर्दा ८ सय ९५ जनामा कोरोना संक्रमण पुष्टि भएको हो ।
त्यस्तै, पछिल्लो २४ घण्टामा मुलुकभर थप १८ जना संक्रमितको मृत्यु भएको छ, भने १६ सय ६ जना संक्रमणमुक्त भएका छन् ।