दाङ । दाङमा घर भत्किँदा तीन महिनाकी शिशुको ज्यान गएको छ ।
घरको भित्ता भत्किँदा मनिषा चौधरीकी तीन महिनाकी छोरी बिन्दुको घटनास्थलमै ज्यान गएको जिल्ला प्रहरी कार्यालय दाङले जानकारी दिएको छ ।
मनिषा र उहाँकी अर्की छोरी घाइते भएका छन् । घोराही उपमहानगरपालिका वडा नम्बर १७ क्वाडीमा बिहान ३ बजे अविरल वर्षाका कारण घर भत्किँदा शिशुको ज्यान गएको प्रहरीले जनाएको छ ।
पहिरोले उनको घर गोठ सबै पुरिएको थियो । घटना पछि प्रहरीले पहिरो पन्छ्याएर शिशुको शव निकालेको हो।
घाइते आमा-छोरीको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ। घर नजिकैको गोठ भत्किँदा घरमा क्षति पुगेको थियो।